Konpost

Post egia, post iraultza, post aiete, post rock, post folk, post pop, KONPOST

Gasteizen sortu ginen, edo Gasteizek sortu gintuen.
Jon Aranburu, Txerra Bolinaga, Bingen Mendizabal eta Ruben  Sánchezek alde zaharretik elkar ezagutu eta 2019ko udazkenean jo genuen lehen aldiz elkarrekin, zer aterako zen ondo jakin gabe, baina gure ohiko erregistroetatik ateratzeko asmoz. Bigarren diskoa aurkeztera gatoz.
Lehen diska ez zen erraza definitzen: rock, blues, ska, pop… doinu alaiak eta ilunak nahasten zituen. Oraingoan –GAP– estiloak berriz nahasten ditugun arren, nabari da taldean izan den bilakaera, estiloak nahastuz jarraitu arren, nora ez dakigun baina noranora garamatzan zerbait.
Gure aurreko bizitzetako konpost bat gara. Zabor moderno bat.
Baina hitzetatik harago, musika talde bat gara, eta zuzenean jotzea da gehien maite duguna.

2023ko otsail hotzean, elurpean, Gakobeltz Hit Faktoriako beroan grabatua, Joseba B. Lenoir eta Miren Narbaiza ekoizle, teknikari eta laguntzaile zirela, grabatu genuen GAP.

Txerra Bolinaga · bateria, koroak
Bingen Mendizabal · bibolin baxua, biolina, pianoa, koroak
Jon Aranburu · kitarrak, mandolina, koroak, perkusioak, teklatuak
Ruben Sánchez Bakaikoa · ahotsak, perkusioak, letrak