Atzar Hadi

Atzar Hadi zuzeneko musika eta vintage diren argazkien eta bideoen proiekzioa nahasten dituen ikusgarri-ekitaldi honek, 70ko hamarkadako Euskal Herrirako bidaian eramanen zaituzte, Errobi euskal folk/rock lehen taldearen obraren bidez. Hainbeste eraldaketa ezagutu dituen garai hura oinarritzat hartuz, haien musika, historia, musikarien eta urte haietako Euskal Herritarren bizia (berr)ezagutzeko parada ukanen duzue.

Ikuskizun honetan omentzen dugun Errobi taldeak (1974-79) gaurkotasun handia atxikitzen du, musikan zein testuetan (gehienak Daniel Landartek idatziak). Bestalde, euskal talde aitzindari hark ospe handia dauka oraino, ia 50 urteren ondotik ere.